ВМРО-ДПМНЕ сега во кавга со Алијансата

Портпаролот на ВМРО-ДПМНЕ, Наум Стоилковски, порача дека  согласно интересите лидерот на Алијансата за Албанците, Арбен Таравари, решил да биде спаринг партнер на Димитар Ковачевски и Али Ахмети, а со лажење политика не се води.

„Кога Алијанса ќе вети уставни измени без да го праша народот , тоа се вика лажење. Исто така, лажење е кога Таравари ќе стане градоначалник на Гостивар со гласови на ВМРО-ДПМНЕ, а потоа ќе трча да влезе во влада на ДУИ/СДС. И секако дека се вика лажење кога Таравари вели дека меѓународен фактор барал од него да влезе во влада, а кога ќе го прашате кој е тој фактор, Таравари ќе избегне одговор. Не затоа што постои таков фактор што тоа го бара од него, туку затоа што согласно своите интереси Таравари решил да биде спаринг партнер на Ковачевски и Ахмети, а со лажење политика не се води“, нагласи Стоилковски.