Владина делегација на сесија на Комитетот за светско наследство на УНЕСКО

01/07/2019 10:37
Делегација на Владата на Република Северна Македонија учествува на 43-тата сесија на Комитетот за светско наследство на УНЕСКО во Баку, Азербејџан, на која ќе се дискутира за состојбата со природното и културното наследство во Охридскиот Регион. Делегацијата ја предводи министерот без ресор Едмонд Адеми, а во неа се и заменик-министерот за надворешни работи Андреј Жерновски и градоначалникот на Охрид Константин Георгиевски.

Како што соопшти владината прес-служба, за време на сесијата на Комитетот,  делегацијата ќе оствари средби со високи претставници на Центарот за светско наследство на УНЕСКО, со делегациите на земјите членки меѓу кои Кина, Бразил, Босна и Херцеговина, како и со претседавачот на Комитетот – Абулфас Гарајев, министер за култура на Азербејџан.

Македонската делегација ќе оствари средби и со колеги од Република Албанија, во насока на заедничко делување и управување со Охридското Езеро и неговотo опкружување.

– За време на 43-тата сесија на Комитетот за светско наследство на УНЕСКО, Владата на Република Северна Македонија ќе го нагласи и афирмира ставот дека e комплетно посветенa на зачувување на статусот на Светско културно наследство на Охридскиот Регион, кој не ѝ припаѓа само на Северна Македонија, туку на целиот свет, соопшти владината прес-служба

Поврзани содржини

Прес-конференција на портпаролката на Владата (во живо)
Миланов: Засега нема правна квалификација за Бектеши, задржан е во полициска станица
(Во живо) Прес конференција на јавниот обвинител Коцевски
Штипските средношколци со протест и марш низ улиците порачаа „Секој еден може да е следен“
Ректорката и министерката со празни говори го узурпираа собирот на студентите, вели Румена Бужаровска
МАНУ сочувствува со настраданите во Кочани, го одложува Годишното собрание
Куманово со три милиони денари за настраданите во пожарот во Кочани
Демолиран кафе-барот чиј сопственик е истиот од дискотеката во Кочани

Најчитани