Вишиот јавен обвинител Мустафа Хајрулахи суспендиран

11/11/2024 15:06
Основното јавно обвинителство Штип донесе Наредба за спроведување истражна постапка против јавниот обвинител Мустафа Хајрулахи, за кого постои основано сомнение за сторено продолжено кривично дело – Малтретирање во вршење на службата од член 143, како и за продолжено кривично дело – Злоупотреба на службена положба и овластување од член 353 од Кривичниот законик.
 

Кривичната пријава против јавниот обвинител за малтретирање во вршење на службата беше поднесена до Јавното обвинителство на Република Северна Македонија од страна на група вработени во Вишото јавно обвинителство Скопје, по што таа беше проследена на надлежно постапување на Основното јавно обвинителство Штип. Во текот на истражните дејствија преземени од штипското обвинителство се добиени податоци и сознанија кои упатуваат на сомнение и за дејствија на злоупотреба на службената положба и овластување.

По приемот на известувањето за поведена истрага, врз основа на член 81 од Законот за јавното обвинителство, Јавниот обвинител на Република Северна Македонија донесе Одлука за оддалечување од функцијата за јавниот обвинител додека трае кривичната постапка поведена по поднесената пријава против него.

Поврзани содржини

Мицкоски предвидува нови 100 до 120 електрични автобуси по локалните избори
Битола доби кукла робот за да поттикне дебата за родова еднаквост
Кристоф Ле Риголер: Може да сметате на француската поддршка за модернизација на Армијата
„Бербер шоу“ во Скопје по повод месецот на машкото здравје
Кавадарци бара обиколница за да го намали загадувањето, но и за поголема безбедност во сообраќајот
Утрово најниска температура измерена во Берово, а највисока во Гевгелија
Ведро и многу студено
Астрономски календар

Најчитани