„ВИК“ опреми современа сензорна, игралиште и донира креветчиња за детското одделение во прилепската болница

Прилепскиот Центар за поддршка на учењето при основното училиште „Климент Охридски“ доби нова, современа сензорна соба и дефектолошки кабинети. Проектот е донација на општествено одговорната компанија од индустриската зона „ВИК“.

Истата фирма, реновира детско игралиште во прилепска градинка. 

Компанијата ВИК продолжува со својата хумана мисија и поддршка на здравствените установи, овојпат со донација од 25 детски креветчиња за најмалите пациенти во прилепската болница.

Од болницата упатија благодарност до компанијата за донацијата, истакнувајќи дека ваквата поддршка придонесува кон создавање подобри услови за лекување и престој на децата.

Ова не е прва донација од WIK за прилепската болница. Минатата година компанијата донираше и апарат за видео ЕЕГ, со што повторно покажа дека грижата за најмладите и унапредувањето на здравствената заштита се дел од нејзината општествена одговорност.

„Од срце благодариме на компанијата WIK за донацијата на 25 детски креветчиња за нашите најмали пациенти. Минатата година, WIK ни донираше и апарат за видео ЕЕГ, а и оваа година повторно ја покажува својата хуманост и грижа за децата“, посочија од прилепската болница.

Со ваквите донации се создаваат подобри услови за најмалите пациенти, а поддршката од општествено одговорните компании претставува значаен придонес во унапредувањето на болничката грижа.

Заедно се прават големи дела за малите херои.