(Видео) Вучиќ збунето го бараше своето место на самитот во Данска, успеа да скрши столче

Претседателот на Србија, Александар Вучиќ, кој учествува на самитот на европските лидери во Копенхаген, имаше уште еден проблем со седењето, објавува Nova.rs.

На социјалните мрежи кружи видео од српскиот претседател, на кое се гледа како влегува во просторијата каде што се одржува самитот и каде што сите присутни се сместиле, освен него. Наместо да седне на своето место, Вучиќ разгледува наоколу како да не му беше јасно каде дошол или каде му е местото, или поточно, каде треба да седне.

Додека збунето разгледуваше низ просторијата, барајќи некој да му помогне, бидејќи никој не му притрча на помош, се обиде да седне на туѓа столица. Сепак, веднаш му беше кажано дека не може да седи таму бидејќи седиштето е зафатено.

Stalna blamaža i neverovatan propust našeg protokola. Tužni sirak među vihorove dok izgubljena savetnica Jović pokušava da nađe mesto za baskuznu figuru.
Nije smešno jer oni vode i uništavaju Srbiju 13 godina i zaista tako bude kad nesposobne i alave stavite da vode važne državne… pic.twitter.com/UmAHUUSKgq

— Borko Stefanović (@BorkoStef) October 2, 2025

Организаторите на самитот изгледа не знаеја што да прават со него.

Конечно, некој смисли идеја и му донесе столче со маса што личи на училишните клупи на кои седат учениците во европските училишта. Претседателот Вучиќ успеа да ја скрши масата во обидот да седне. Сепак, му дозволија да остане на столчето бидејќи немаше друго место.

Видео од ситуацијата објави Борко Стефановиќ, српски адвокат и дипломат. „Постојан срам и неверојатен неуспех на нашиот протокол. Не е ни смешно бидејќи тие ја водат и уништуваат Србија 13 години“, напиша тој на X.