(Видео) Трамп им порача на приврзаниците „да си одат дома во мир“, Бајден ја осуди насилната окупација во Капитол
Новоизбраниот претседател Џо Бајден ги нарече насилните протести врз американскиот Капитол „напад врз најсветото од американските должности: луѓето да ги извршуваат нивните обврски“.
Бајден исто така побара од претседателот Доналд Трамп веднаш да се обрати на телевизија повикувајќи ги неговите приврзаници да престанат со насилството што тој го опиша како „невиден напад“, бидејќи про-Трамп демонстрантите насилно го окупираат Конгресот на САД.
Неколку минути подоцна, Трамп објави едноминутно видео на Твитер, велејќи дека неговите приврзаници треба „да си одат дома“ и „ да одат дома во мир“.
Неколку часа откако неговите приврзаници упаднаа во зградата на Капитол во САД и насилно се судрија со полицијата, претседателот Доналд Трамп им порача на приврзаниците „да си одат дома“ за да може да има мир.
Во видео пораката споделена на неговиот профил на Твитер, Трамп започнува со споделување на повторно неосновани тврдења дека изборите му биле „украдени“ и дека победил убедливо.
Претседателот тогаш се осврнува на тоа да им каже на своите приврзаници дека “мора да имаме мир, мора да имаме закон и ред, да ги почитуваме нашите големи луѓе во законот и законот. Не сакаме никој да биде повреден”.
Трамп на митинг претходно истиот ден ги охрабри своите приврзаници да се упатат кон Капитол.
„Никогаш немало вакво време кога се случи вакво нешто, каде што тие можеа да ни го одземат на сите нас – од мене, од тебе, од нашата земја. Ова беа лажни избори, но не можеме да играме во рацете на овие луѓе. Мора да имаме мир. Затоа, одете дома. Ве сакаме. Вие сте многу посебни. Видовте што се случува. Гледате како се третираат другите, толку лошо и злобно. Знам како се чувствувате. Но, одете дома и одете дома во мир “, рече Трамп.
Пораката на Трамп беше обележана од Твитер за да го оспори тврдењето за изборна измама, додавајќи одредба на која не може да се одговори на твитот, да се ретвитува или да се допадне „поради ризик од насилство“.
Трамп претходно им порача на своите приврзаници на Твитер да „останат мирни“ откако упаднаа во Капитол.
— Donald J. Trump (@realDonaldTrump) January 6, 2021