(Видео) Силна експлозија во Ротердам: Превртени автомобили, скршени стакла, исчезнати
Три лица се водат за исчезнати откако синоќа експлозија предизвика голем пожар во станбена населба во Ротердам. Службите за итна помош потврдија дека најмалку едно лице е повредено. Таа била пронајдена на улица и пренесена во болница, пишува NL Times.
Пожарникарите сѐ уште се обидуваат да го изгаснат големиот пожар предизвикан од експлозија во гаражата на зградата. Портпаролот на локалната безбедносна канцеларија за телевизијата Рајнмонд изјави дека во зградата може да има повеќе жртви. Службите за итна помош не можеа да ја пребараат зградата поради пожарот кој сѐ уште беснее.
🔥 A strong fire and subsequent explosions destroyed a residential complex in
Rotterdam. The fire spread to a nearby residential complex on Shammenkamp. The incident began after several explosions occurred in the garage.🫣🔥 pic.twitter.com/98ew4YtwQH— 🌕 Mister_ Nikita_X 🫶 (@Mister_Nikita_X) January 29, 2024
Не е познато дали во моментот на експлозијата имало некој во гаражата или во становите над неа. Семејства од 44 апартмани ноќеваа во локални хотели. Властите побараа од луѓето што живеат во зградата да потврдат дека се безбедни преку веб-страницата на Црвениот крст.
Во близина има и магацин за огномет
Зградите на локацијата каде што се случи експлозијата се многу блиску една до друга, а меѓу нив има многу продавници и бизниси, што им отежнува на пожарникарите. Постоела опасност пожарот да се прошири и на други објекти. Поради тоа, пожарникарите дури и демолирале дел од зградата за да обезбедат супермаркет во близина.
Holy shit #Rotterdam pic.twitter.com/yPeT0KMFNj
— FR1908Remco (@Fr1908R) January 29, 2024
На истата улица има и магацин за пиротехника, но за среќа не бил погоден. Итните служби кои први пристигнале на местото на настанот брзо ги натовариле пиротехничките средства во камион и ги однеле на друга локација. Во магацинот имало околу 5 тони пиротехнички средства.
Zo groot is de schade aan de voorkant. #Schammenkamp #Rotterdam #Rijnmond pic.twitter.com/gFLCNSnyXI
— Jelle Gunneweg (@JelleGunneweg) January 30, 2024
Во оваа фаза, властите не можат да кажат што ја предизвикало експлозијата. По целосно гаснење на пожарот, полицијата ќе спроведе увид. Од силината на експлозијата искршени се многу стакла во околината, а оштетени се и неколку возила. „Тоа е навистина голема пустелија. Има многу стакло и ѓубре на улицата. Работиме да ја исчистиме за да можат луѓето повторно да минуваат низ улиците“, вели локален жител.