(Видео) Портпаролката ненадејно ја прекина прес-конференцијата на Бајден, а во позадина свири музика
Портпаролката на Белата куќа Карин Жан-Пјер ненадејно ја прекина прес-конференцијата на претседателот Џо Бајден во Ханој, Виетнам во неделата. Во еден момент таа го зеде микрофонот и рече дека настанот е завршен, иако американскиот претседател сѐ уште одговараше на прашањата на новинарите во просторијата.
„Ви благодарам на сите – овде завршува прес-конференцијата“, рече Жан-Пјер откако го зеде микрофонот, јави Си-ен-ен. Бајден накратко остана на сцената по нејзината објава, одговарајќи на едно дополнително прашање, иако неговиот целосен одговор не се слушна бидејќи музика се слушаше од звучниците.
Американците се загрижени за годините на Бајден
„Ќе ви кажам нешто, не знам за вас, но одам да спијам“, заклучи Бајден. Белата куќа на почетокот на прес-конференцијата објави дека Бајден планира да одговара на прашања на пет новинари. Сепак, претседателот остана на сцената, одговарајќи на дополнителни прашања за тоа што му рекол на кинескиот премиер Ли Кианг пред да биде прекинат од портпаролката.
Joe Biden’s staff cut his mic in the middle of a sentence during a press conference
Who is really in charge?
— Benny Johnson (@bennyjohnson) September 10, 2023
„Овие петдневни патувања низ светот не се никаков проблем“, се пошегува Бајден. Неколку минути пред Жан-Пјер да ја заврши прес-конференцијата, Бајден даде долг одговор кој вклучуваше некохерентно објаснување зошто ја користи фразата „лежечки војник на пони со лице на куче“ за политичарите кои го негираат постоењето на климатските промени.
Една неодамнешна анкета на Си-ен-ен покажа дека три четвртини од Американците се загрижени дека возраста на Бајден може негативно да влијае на неговото сегашно ниво на физичка и ментална подготвеност и неговата способност да одработи уште еден целосен мандат доколку биде реизбран.