(ВИДЕО) Невремето ја сотре Хрватска, Србија се мобилизира

Обилните дождови денеска го погодија северозападниот дел на Босна и Херцеговина, а во Приједор и Босански Нови се излија локалните реки.

Во Приједор се поплавени околу 200 станбени објекти, а дојде и до пораст на нивото на водата и излевање на реката Пухарска, која се влева во Сана.

Реката Јошавка, поради огромната количина на дожд која вчера падна во попладневните часови и која се уште паѓа, се изли на главниот пат Челинац – Прњавор преку Стара Дубрава.

Поплавена беше и населбата Урија, а реката Враголовача се изли од коритото во местото Јутрогошта и го пресече локалниот пат. Мештаните ја спасуваат стоката од шталите, кои се во близина на оваа река.

Дождот почна да паѓа вчера попладне, по што следеше бура пропратена со грмотевици. Германскиот „Блицкорунг” детектира околу 4.000 молња во Поткозарје.

Се очекува утре да престанат интензивните врнежи во БиХ.

Силно невреме вчера ја зафати и Хрватска.

На улиците во Загреб во сите делови на градот утринава имаше многу скршени гранки, дрвја, растурени контејнери за отпадоци или дрвени штандови, а некаде и откорнати семафори. Итните служби и пожарникари се на терен, а полицијата ги предупредува граѓаните да не одат надвор ако немаат итна потреба.

Интервентните служби и пожарникарите се на терен, а од утринава имале дури 140 интервенции.

Полицијата на Хрватска објави дека има повредена жена врз која паднала скршена гранка, како и еден пешак на плоштадот „Бан Јелачиќ“.

Невереме се очекува и во Србија. Републичкиот хидрометеоролошки завод на Србија го повтори предупредување дека од денеска до петок се очекува голема количина на врнежи.

Сите надлежни служби воведоа 24-часовни дежурства на водостоите на реките, а РХМЗ го вклучи портокаловиот и жолтиот метеоаларм.