(Видео) Доматите и краставиците по 95 денари, пиперките 100 денари

Денеска на седница на Владата имаше корекции на дел од производите, овошјето и зеленчукот…

Зголемување на цените за доматите и краставиците до 95 денари, а 10 денари дополнително на кромидот, цената на пиперките 100, леќата е 110, а другите остануваат под 100 денари.

Според владината Одлука, килограм банани ќе чини до 75 денари, килограм портокали до 60, килограм мандарини до 65 и килограм лимони до 60 денари. 

Овие корекции се направени затоа што увозните цени на тие производи се зголемени за 30 отсто, рече министерот за економија Крешник Бектеши, а во моментот ние немаме домашно производство. 

– Оваа мерка ќе трае цел месец и доколку забележиме поевтинување на цените на фактурите во текот на времето, ние ќе интеревенираме со поевтинување, рече Бектеши.

По овие корекции, министерот смета дека повеќе нема да се крие овошјето и зеленчукот по магацините и дека ќе се најде во редовна продажба непречено.

Во однос на лажните фактури, со кои се прикажувал поевтин увоз на овошје и зеленчук, тој кажа дека Царинската управа се координира со иснтитуциите во Турција и Грција во потрага по виновниците.