Вакцините ќе стигнат во март, најави министерот Филипче
![](https://nezavisen.mk/wp-content/uploads/2020/12/filipce-pres-merki.jpg)
Најавите преку Ковакс системот е дека вакцините против КОВИД-19 ќе ги добиеме во месец март, изјави министерот за здравство Венко Филипче на прес конференција, одговарајќи на новинарско прашање.
Според неговите информации таква е ситуацијата и во другите земји во регионот кои набавките ги вршат преку овој механизам.
„Во разговор со грчкиот министер за здравство, тој ми кажа дека и тие вакцината ја очекуваат во март“, рече Филипче додавајќи дека од директните контакти со компаниите му било укажано дека ова е нивна глобална политика и дека имаат пристап по региони.