Вака изгледаа последните моменти од авионскиот лет во кој загина Пригожин
Апликацијата „Флајтрадар24“ објави податоци за последните моменти од летот на авионот во кој загина шефот на Вагнер, Евгениј Пригожин.
Авионот „Ембраер“ (Embraer Legacy 600) за кој се верува дека го превезувал Евгениј Пригожин се урна во средата во близина на Твер, Русија, по полетувањето од Москва.
Авионот не покажал знаци на проблеми до ненадејниот пад по постигнатата височина во последните 30 секунди, покажуваат податоците.
Шведската служба за следење летови во реално време „Флајтрадар24“ (Flightradar24) објави анализа на последниот половина час од летот.
Приемниците во мрежата „Флајтрадар24“ беа првите кои примија податоци од авионот во 14:46 UTC (16:46 по македонско време). Авионот се искачи на височина од 28.000 стапки (околу 8,5 километри) од 14:59 UTC до 15:11 UTC и продолжи да испраќа податоци до 15:20:14 UTC, пренесува Индекс.хр.
We have processed the raw data received from RA-02795, which crashed this afternoon near Tver, Russia. The aircraft did not send position data, but sent other data to provide a picture of how it fell from the sky. https://t.co/Yt1PreVrn5 pic.twitter.com/lW6bD8jgPw
— Flightradar24 (@flightradar24) August 23, 2023
Се израмни на 28.000 стапки во 15:10 UTC, по што авионот продолжи да лета со постојана брзина до 15:19 UTC, кога вертикалната брзина драстично се намали и авионот накратко се спушти, искачувајќи се на максимална височина од 30.100 стапки пред да се спушти назад на приближно 27.500 стапки.
Иан Петченик, кој работи за „Флајтрадар24“, изјави за Ројтерс дека авионот Embraer Legacy 600 направил ненадеен вертикален пресврт.
We have processed the raw data received from RA-02795, which crashed this afternoon near Tver, Russia. The aircraft did not send position data, but sent other data to provide a picture of how it fell from the sky. https://t.co/Yt1PreVrn5 pic.twitter.com/lW6bD8jgPw
— Flightradar24 (@flightradar24) August 23, 2023
Повторно се качува и достигнува 29.300 стапки пред повторно да се израмни. Потоа се спушта, со конечните податоци добиени во 15:20:14 UTC на надморска височина од 19.725 стапки, надморска височина од околу 6 километри.
Flight tracking site Flightradar24 shows the flight path of the crashed jet carrying Wagner boss Yevgeny Prigozhin 👇
After nine minutes, the aircraft had stopped transmitting data.
Read more: https://t.co/tI6262O2N0 pic.twitter.com/avRGBRpMLc
— Sky News (@SkyNews) August 24, 2023
Руската агенција за цивилно воздухопловство, Росавијација, објави дека шефот на Вагнер, Евгениј Пригожин и неговиот истакнат командант Дмитриј Уткин биле меѓу патниците во авионот што се урна во Русија. Агенцијата ги обезбеди имињата на сите седум патници и тројца членови на екипажот за кои сега се знае дека биле во авионот Ембраер, кој се урна во средата во близина на Москва.