Во студентски домови се сместуваат семејствата на повредените кои се на лекување во Скопје

Министерството за образование и наука информира дека семејствата на повредените
од несреќата во Кочани кои во моментов се наоѓаат во Скопје, можат да ги користат
услугите за сместување и исхрана на студентскиот дом „Гоце Делчев“ во општина
Карпош, студентскиот дом „Томе Стефановски – Сениќ“ во Гази Баба, ученичкиот дом
во рамки на државното училиште за образование и рехабилитација „Партенија
Зографски“ исто така во Гази Баба, студентскиот дом „Пелагонија“ и на ученичкиот
дом во рамки на државното училиште за образование и рехабилитација „Димитар
Влахов“, двата во Кисела Вода.

Општина Гази Баба соопшти дека во координација со Владата, а во соработка со ДУЦОР „Партенија Зографски“ и Студенскиот дом „Томе Стефановски Сениќ“ обезбедува сместување и храна за членовите на семејствата кои имаат свои повредени на лекување во болниците во Скопје.

-Во овие моменти на силна болка и тага во нашите срца потребно е да се организираме и да ја покажеме нашата солидарност, хуманост и сочувствителност, напиша на својот Фејсбук профил градоначалникот на општина Гази Баба Бобан Стефковски.

На секој граѓанин на кого му е потребно сместување и престој во Скопје може да се јави на следните телефонски броеви:

Игор Петрески – 075/430-106 претставник на ДУЦОР „Партенија Зографски“

Иван Симоновски – 078/292-582, директор на Студенскиот дом „Томе Стефановски Сениќ“ и

Перица Пешевски – 075/336-338 претставник на општина Гази Баба.

Дополнително, наведуваат од општина Гази Баба, ќе обезбедат и храна и вода кои ќе бидат доставени пред болниците во Скопје.

-Нашите молитви се за здравје на повредените, но и за утеха на семејствата на загинатите. Многу тежок ден за Македонија!, наведува градоначалникот на општина Гази Баба Бобан Стефковски.

Кон ова се приклучија и институциите од културата