Урбаниот парк „9 Мај“ интензивно се гради

Привршува хортикултурното уредување на урбаниот парк „9 Мај“, кој почна да се гради по повод на Денот на Европа. 

Паркот се гради според сите современи стандарди, а со цел да ги задоволи потребите на граѓаните и нивното урбано живеење. Паркот е наменет за сите генерации и претставува совршено место за одмор и релаксација на аеродромци. Во рамките на овој урбан парк има спортско и детско игралиште, патеки, клупи за одмор, како и убаво хортикултурно уредување, кое ќе внесе посебна свежина.

„Горди сме што ги практикуваме европските вредности и работиме на подобрување на еколошките стандарди, урбаното живеење и поквалитетниот начин на живот на граѓаните“, изјави градоначалникот Златко Марин. Тој додаде дека е среќен што едно напуштено место, полека се претвора во прекрасно уреден парк. 

Општина Аеродром продолжува со уредување на јавниот простор. Садењето и грижата за дрвјата и зеленилото е задача на сите нас.