Украина поминува низ нов Холодомор, Русија ги убива со студ

27/01/2026 15:01

По стравичното намерно изгладнување на жителите на Газа, светот допира ново дно, овојпат благодарејќи на Русија. Според Украинците, уништувајќи им ја енергетската структура, Русија спроведува геноцидна хуманитарна војна во Украина. Со денови во најголем дел од државата нема струја и  нема греење, страци се качуваат во згради пешки бидејќи нема лифтови, а некои што се на апарати што ги одржуваат во живот, минуваат низ пеколни моменти. Киев покрена и меѓународна кампања за помош, особено што сето ова се случува во една од најстудените зими досега, со екстремно ниски температури кои го прават херојски чин интервенирањето на мрежата.  

„Киев. Град од три милиони жители во срцето на Европа смрзнува. Стотици илјади луѓе немаат греење или електрична енергија.Таканаречен „цивилизиран“ свет? Молчи“, е една од реакциите за состојбата во Украина деновиве која падна во сенка на случувањата околу Гренланд.

Според тамошните медиуми, само овој месец  Русија извршила 6 масовни напади врз енергетскиот систем, по што 90% од термоцентралите биле исклучени. Милиони Украинци смрзнуваат, а властите за да ги ублажат последиците, поставија шатори на отворено каде што се дели храна и се обезбедува греење. Старите  лица и лицата со ограничена подвижност кои живеат сами во пансиони се евакуираат  во заеднички објекти поради недостатокот на греење и електрична енергија.

  

„Ова не е тероризам. Полошо е. Русија користи акти на терор за да изврши геноцид. Русија отворено извршува гол геноцид“, е друга реакција на интернет. Украинскот аналитичар и поранешен функционерАнтон Герашченко ова го нарече нов „Холодомор“, по историски познатито изгладнување на Украинците спроведено од страна на Сталин во 1932 година кое се сведува на описот – исцрпеност од студ и  кое предизвика смрт на  три ипол до 5 милиони Украинци.

„Ова злосторство го извршува намерно Русија.Во правна смисла, има јасна дефиниција – геноцид.Според Член II од Конвенцијата на ООН за спречување и казнување на злосторството геноцид, еден од дефинирачките акти на геноцид е: Намерно наметнување услови за живот врз група луѓе пресметани да доведат до нивно физичко уништување целосно или делумно.

Многу украински градови – меѓу кои пред сè Киев – се без електрична енергија, греење и вода втора недела по ред, среде силни мразови. Што значи ова? Тоа значи дека луѓето се осудени на смрт од Русија. Еве што се случува:

– Постарите луѓе не можат да ги напуштат своите станови за да купат храна или вода затоа што лифтовите не работат – или затоа што физички не се во можност да се симнат по скалите;

– Нема комуникација: мобилните телефони се мртви, нема начин да се повика помош или брза помош;

– Болните луѓе не можат да користат медицинска опрема што го одржува животот бидејќи дома нема електрична енергија;

-Мајките на мали деца ги носат своите деца и колички по скалите во високите згради – заедно со вода и храна;

-Нема топол оброк и нема можност за готвење храна дома;

-Прекини во канализацискиот систем, создавајќи критични и опасни услови;

-Болести предизвикани од екстремен студ и неможност за стоплување;

-Децата не можат да одат на училиште бидејќи нема греење. Учењето од далечина е исто така невозможно без електрична енергија;

-Градинките се затворени, мајките не можат да работат, да заработуваат пари за да ги прехранат своите деца;

-Скитниците смрзнуваат до смрт на улиците;

-Дури и домашните миленици умираат од студ – папагали, аквариумски риби, животни чувани во терариуми;

-Животните во зоолошките градини смрзнуваат;

-Збирките на ретки растенија во ботаничките градини во Киев се замрзнаа и умреа;

– Малите бизниси не заработуваат ништо, принудени се да трошат пари на генератори и гориво  предизвикувајќи директни загуби за економијата;

– Сериозна штета на животната средина и јавното здравје поради постојаното работење на огромен број генератори;

– Јавниот превоз функционира многу полошо поради прекини на електричната енергија; електричниот транспорт воопшто не работи, оставајќи ги луѓето неспособни да стигнат до работа, лекари или основни услуги;

– Пукањето на цевките и ниските температури ги уништуваат домовите, правејќи ги непогодни за живеење;

– Болниците се принудени да ги откажат планираните операции, работат во итен режим и со полн капацитет;

– Стапките на депресија, анксиозни нарушувања и прегорување нагло се зголемуваат.

Русија сака да ги направи големите украински градови непогодни за живеење. Ова е хуманитарна катастрофа намерно предизвикана од Русија, оценува Антон Герашченко.

Неодамнешните напади на Русија предизвикаа прекин на електричната енергија за повеќе од еден милион луѓе во Киев и ги погодија енергетските системи на Харков, оставајќи 15% од станбените згради без греење на температури под нулата. Украинските власти известуваат дека повеќе од 1.700 беспилотни летала, 1.380 наведувани бомби и 69 ракети погодиле енергетски објекти за една недела, осакатувајќи 90% од термоелектраните во најлошата криза од 2022 година. Екипите за поправка работат на -15 степени Целзиусови, додека  Полска и Чешка доставуваат како помош  генератори и средства.Состојбата е најлоша во Киев и регионот, во Харков и неговиот регион, регионите Чернигов, Суми, Днепар и Запорожје.

„ Ситуацијата во Киев е исклучително предизвикувачка: повеќе од 1.200 станбени згради во градот сè уште се без греење. Заедно со локалните власти и владини претставници, разговаравме како да помогнеме што е можно побрзо. Засега, споменатите временски рокови не можат да се сметаат за задоволителни – мора да дејствуваме побрзо“, соопшти претседателот Володомир Зеленски.

Зеленски му наложил на премиерот на Украина, заедно со министерот за финансии, да ја анализираат можноста, вклучително и за Киев, за итно набавка на сè што е потребно  за алтернативно производство на електрична енергија и снабдување со топлина. 

„Професионализмот на нашите енергетски работници, Државната служба за вонредни ситуации на Украина и на многу екипи за поправка е навистина без преседан“, соопшти Зеленски. 

 Покрај Полска и Чешка, и Литванија вети речиси 100 генератори за да се ублажи кризата во Украина.

Киевските власти објавија прекини на услугите на дел од линијата на метрото што ја преминува реката Днепар поради оштетување на инфраструктурата. Другите линии остануваат незасегнати.

Поврзани содржини

Нетанјаху на првата прес-конференција од почетокот на војната: Израел ги „дроби“ Иран и Хезболах
И Мелони им се придружи на оние во Европа што ја критикуваат војната на Трамп во Иран
Дубаи е морничаво празен. За една недела исчезна целиот сјај
Унгарија и ги врати запленетите оклопни возила на Украина, но ги задржа парите и златото додека трае истрагата
„Заработуваме многу пари“: Трамп вели дека САД имаат ќар од високите цени на нафтата
Прва порака на новиот врховен лидер: Ормускиот теснец ќе остане затворен
ЕУ предлага инспекциска мисија за украинскиот гасовод „Дружба“
(ВИДЕО) Орбан ја претвори изборната кампања во „шпанска серија“- драматизира и плаче пред камера

Најчитани