Украина го запира извозот на руска нафта во Европа

Украина ќе престане да испраќа руска нафта и гас во Европската унија преку своите гасоводи на крајот на годината бидејќи тогаш ќе истече сегашниот договор и тој нема да биде обновен, изјави советник на украинската влада.

Михаило Подољак, советник на претседателот Володимир Зеленски, во интервју за Новини.Во живо рече дека сегашниот договор истекува на крајот на годината и иако не може да биде еднострано раскинат, „нема сомнеж дека ќе престане да важи на 1 јануари, 2025 година.”

Киев е подготвен да транспортира гас од централноазиските земји или Азербејџан во Европа, но не и од Русија за да ѝ го ускрати на Москва тој извор на приход. Договорот за транзит на руски гас во Европа преку Украина меѓу Гаспром и Нафтогас истекува на 31 декември.

И покрај руската инвазија, која започна во февруари 2022 година, Украинците ги исполнија условите од договорот, делумно на инсистирање на нивните европски соседи, првенствено Унгарија. Но, украинските лидери јасно ставија до знаење дека нема да го продолжат. Ова неодамна го повтори и самиот Зеленски.

Три земји ја добиваат нафтата преку Дружба
Унгарија, Чешка и Словачка се последните земји кои добиваат руска нафта преку нафтоводот Дружба. Северниот дел од гасоводот што води кон Германија е главно затворен поради санкциите на Западот за руската нафта.

Според руските медиуми, казахстанската филијала на италијанската енергетска компанија „Ени“ во август почнала да испраќа нафта од Каспиското Море преку гасоводот. Иако овој компромис и овозможува на Русија да генерира приходи од транзит, таа не и дозволува да ја продава сопствената нафта на Европа, нејзиниот најпрофитабилен пазар.

Чешка: Тоа нема да ни биде проблем
Секој потенцијален прекин на снабдувањето со нафта преку гасоводот Дружба преку Украина од Русија од 2025 година повеќе нема да биде проблем за Чешка, изјави претставникот на земјата за енергетска безбедност Вацлав Бартушка.

Одговарајќи на прашање на Ројтерс во врска со коментарите на помошникот на украинскиот претседател Михаило Подољак дека протокот на руска нафта може да биде прекинат почнувајќи од јануари, Бартуска рече дека Украина во минатото предупредила на потенцијален прекин.

– Не е прв пат, овој пат можеби ќе бидат сериозни – ќе видиме – вели Бартушка во СМС порака. – Тоа не е проблем за Чешка – рече тој.

Со цел да ја прекине својата делумна зависност од гасоводот Дружба, чешкиот државен оператор на гасоводи МЕРО инвестира во зголемување на капацитетот на гасоводот ТАЛ од Италија до Германија, кој се поврзува со гасоводот ИКЛ, кој ја снабдува Чешката Република.

Зголемениот капацитет од следната година би бил доволен за вкупните потреби на двете рафинерии во земјава, во сопственост на полскиот Орлен, до осум милиони тони сурова нафта годишно. MERO рече дека планира да постигне независност на земјата од руската нафта до почетокот на 2025 година, но надградбата на TAL се очекува да трае до јуни 2025 година.