Туск покрена истрага за аферата Епштајн, се сомнева дека била „слатка стапица“ на КГБ

Полскиот премиер Доналд Туск објави дека полската влада формира тим аналитичари за справување со полските траги во педофилската афера „Епштајн“ во САД и предупреди дека сè повеќе експерти и коментатори во светот укажуваат дека постапките на осудениот сексуален престапник Џефри Епштајн биле „слатка стапица“ од страна на КГБ за елитите на западниот свет и дека ова ќе биде и предмет на полска анализа.

„Знаеме дека Епштајн ги чувал сите пораки, е-пошта, документи, снимки и фотографии. Тој снимал влијателни западни лидери, претседатели, премиери, раководители на најголемите компании во светот. Сè повеќе коментатори и експерти веруваат дека е многу веројатно дека ова била операција подготвена од рускиот КГБ, таканаречена „слатка стапица“ за елитите на западниот свет“, рече Туск денес во Варшава пред владина седница.

Обвинителството и полските служби веќе ги имаат првите полски индиции во аферата околу подведувањето девојки на елитните забави на Епштајн, поточно дека го информираат Џефри Епштајн од Краков дека имаат подготвена група полски девојки и жени кои можат да му бидат доставени.

„Како што знаете, ова е невидена работа. Прво, потребно е да се разјаснат полските траги во сатанскиот круг на Епштајн. Ќе направиме сè за сторителите и потенцијалните жртви да видат дека полската држава дејствува, но и да ги обештетиме жртвите доколку е потребно и ефикасно да ги казниме оние што ги извршиле овие кошмарни злосторства“, рече Туск.

Втората причина, според полскиот премиер, е тоа што аналитичкиот тим, во соработка со министерот за правда, државниот обвинител и министерот за координирање на разузнавачките служби, треба да разгледа по анализата дали да покрене истрага за сомневањето дека руските разузнавачки служби стојат зад аферата Епштајн.

„Сè повеќе индиции, сè повеќе информации и коментари во печатот, во светските медиуми, укажуваат на сомневање дека без преседан педофилските афери биле коорганизирани од руските специјални служби“, рече Туск.

Доналд Туск апелираше до опозицијата да не ја користи аферата за можни дневно-политички конфликти или да не се обидува да го прикрие.

„Се надевам дека секој пристоен човек во Полска денес исклучува каква било релативизација на педофилијата. Тоа е злосторство против децата. Нема простор за никакво оправдување, релативизација дека не е ужасно или дека не се знаело за тоа“, рече Туск.

Туск најави дека можеби ќе ги убеди другите земји да ја подигнат истрагата за скандалот со педофилија околу Џефри Епштајн на меѓународно ниво.