Турција го бомбардира северен Ирак

Турски борбени авиони бомбардираа цели во северен Ирак, соопшти Министерството за одбрана во Анкара.

Во воздушните напади се уништени бази и складишта што ги користеле борци на Курдската работничка партија ПКК во регионот на Хакурк.

Конфликтот со Курдите трае повеќе од 30 години и во него досега загинаа околу 40.000 луѓе, вклучувајќи и жени и деца.

Според Анкара, ПКК е терористичка организација. Таа е вклучена и на листите на терористички организации во САД и повеќе земји членки на ЕУ.