Три години затвор за деца поради кражба на ванила на Мадагаскар

Децата кои се обвинети за кражба на зрна ванила на Мадагаскар честопати минуваат по речиси три години во затвор без судење, јави Би Би Си.

Островот е најголемиот произведувач на ванила, еден од најбараните зачини во светот, па со зголемувањето на производството се зголеми и бројот на кражбите.

За кражба на ванила се ставаат и деца во затвор, каде условите се загрижувачки, а во некои од нив се дава само по еден оброк дневно.

Би-Би-Си информира дека според проценките, повеќе од 20.000 деца на Мадагаскар работат работи кои се поврзани со трговијата на ванила.