Транспортерите ќе протестираат поради долгото чекање на границите

Денеска на протест излегуваат транспортерите незадоволни од долгото чекање на граничните премини. Протестот на камионџиите е најавен да почне точно на пладне пред скопска „Мавровка“ каде што ќе биде сопрен сообраќајот 15 минути, а потоа камионциите ќе се упатат пред Владата.

Независниот синдикат на професионални возачи на Македонија реагира дека на граничните премини се создаваат киломератски колони поради што се случуваат и штети – било да е тоа поради расипување на некоја стока, или поради непочитување на рокови.

– Ние самите професионалните возачи мораме да ги надоместиме штетите, исто и транспортните фирми. Веќе ова е децениски проблем и мора да најдеме решение. Зошто ние да плаќаме за нечие несовесно работење?, изјави за „Алфа“ Марјан Стевковски , претседател на Независен синдикат на професионални возачи.