Томас Бах го напушта МОК по 12 години на чело

Коста Наварино – Претседателот на Меѓународниот олимписки комитет (ИОК) Томас Бах, чиј наследник ќе биде избран за три дена во Грција, во понеделникот призна дека ја напушта функцијата „многу спокојно“, тврдејќи дека е „во мир“ со себе, за се што му дал на олимпиското движење, пренесоа грчките медиуми.

Запрашан за неговото расположение во последните денови од неговата функција, Бах изјави дека е мирен затоа што „никогаш не се соочил со егзистенцијални проблеми за Олимпиското движење или за Игрите“.

-Се чувствувам како да сум му дал се на олимпиското движење. Во Германија велиме дека сме во мир со самите себе, изјави тој за време на неговата прес-конференција во Коста Наварино во Грција.

Баварецот (71) официјално ќе ја предаде функцијата на 23 јуни, но неговиот наследник ќе биде познат уште во четврток по изборите, кои се оформуваат како историски. МОК никогаш немал седум кандидати за највисоката функција во своето 130-годишно постоење.

-Она што имав да го кажам за профилот на мојот наследник, веќе го кажав, објасни Германецот.

Според многу медиуми, Томас Бах ја поддржува единствената жена што се кандидира за оваа позиција – Кирсти Ковентри од Јужна Африка.

Бах препорача и боксот да остане на програмата на Олимписките игри во Лос Анџелес во 2028 година. Голем чекор за МОК е тоа што одобри нова Светска боксерска федерација.

Боксерската препорака ќе биде ставена на гласање за време на Конгресот на МОК во Грција оваа недела и се очекува да биде одобрена без пречки. Боксерските настани во Париз во 2024 година беа водени од МОК откако комитетот ја одзеде лиценцата на Светската боксерска асоцијација поради недостаток на реформи и финансиски проблеми.