Тејлор Свифт одржа концерт во Лондон, на сцената ѝ се придружи Ед Ширан (видео)
Тејлор Свифт го одржа својот прв концерт откако три концерти во Виена беа откажани поради страв од терористички напади. Пејачката во четвртокот ја продолжи турнејата The Eras со одржување на првиот од петте концерти на Вембли во Лондон, пишува Би-Би-Си.
Свифт го отвори концертот со својот хит 22, а се појави во маичка со натпис „a lot going on the moment“, алудирајќи на турбулентниот период низ кој минува.
Во еден момент на сцената ѝ се придружи и пејачот Ед Ширан, кој неодамна одржа концерт во загрепскиот Хиподром, а утре настапува во Белград, и заедно отпеаја три песни.
🚨| Taylor Swift and special guest, Ed Sheeran, performing a mashup of “Everything Has Changed”, “End Game” and “Thinking Out Loud” at today’s show! #LondonTSTheErasTour
— The Eras Tour (@tswifterastour) August 15, 2024
Од рано попладне околу стадионот „Вембли“ се собраа бројни фанови кои со нетрпение го очекуваа концертот. Фановите стравуваа дека пејачката може да ги откаже концертите во Лондон поради немирите во Велика Британија кои следеа откако 17-годишен вооружен убиец упадна во училиште за танц во градот Саутпорт, при што уби три деца, а рани десет други.
Лондонската полиција соопшти дека ќе биде засилена контролата на билетите, како и дополнителни безбедносни мерки околу стадионот.
“The is one of my best friends in the world to the point where I feel like he’s the second brother of mine…” TAYLOR SWIFT TALKING ABOUT ED SHEERAN AND THEIR FRIENDSHIP ILL SOB pic.twitter.com/DDjvrmDNkD
— rose⁷☀ (@sufferlight) August 15, 2024
Многу фанови беа разочарани поради откажаните концерти, а дополнително ги налути тоа што Тејлор не се огласи по повод откажаните концерти и приреди приватна забава за својот тим во Лондон.