Стефковски: Започна градежна офанзива во Гази Баба ќе се асфалтираат 30 улици

Започна голема акција за асфалтирање на над 30 улици во Гази Баба, најави градоначалникот Боба Стефковски.

– Продолжуваат инвестициите во подобрување на патната инфраструктура! Развојот и подобрувањето на патната инфраструктура насекаде низ општина Гази Баба останува наш врвен приоритет. Како локална самоуправа и оваа година ќе извршиме асфалтирање на повеќе од 30 улици во Јурумлери, Идризово, Виниче, Булачани, Гоце Делчев, Инџиково, Керамидница, Ченто, Кирил Петрушевски, Хиподром, Раштак и други населени места. Во изминатите две години извршивме реконструкција и ревитализација на повеќе од 60 локални улици – напиша Стефковски.