Српските студенти денес ќе пристигнат во Стразбур по поминати 1.300 километри со велосипеди

Повеќе од четири месеци, студентската кампања на национално ниво против корупцијата  доминираше во насловите во голем дел од српските медиуми, следејќи ги речиси секојдневните протести кои на моменти привлекоа стотици илјади и ги потресоа највисоките ешалони на моќ во земјата.Но, од почетокот на април, околу 80 од демонстрантите беа во мисија да го свртат вниманието на ЕУ кон нивното движење, со велосипедско патување од 1.300 километри што треба да заврши денеска во Стразбур, францускиот град каде се состанува Европскиот парламент.

„Европа предолго спиеше“, изјави Владимир Бељански од Адвокатската комора на Војводина за локалниот информативен сајт N1 објаснувајќи зошто тој и другите одлучиле да тргнат на двонеделното патување.

„Важно е да се привлече вниманието на Европа. Србија е дел од Европа. Ние не сме диво балканско племе од каде што може да се извлекуваат ресурси, а да се игнорира владеењето на правото, токму спротивното“.

Студентските протести започнаа во ноември како одговор на уривањето на покривот на железничката станица во северниот град Нови Сад. Трагедијата, во која загинаа 16 лица, набрзо стана точка на судир среде се поавторитарното владеење на Србија, привлекувајќи демонстранти од целата земја кои бараа поголема транспарентност на владата.