Србија, Хрватска и Словенија во финалето на 68.Евросонг во Малме (видео)

Малме– Србија, Хрватска и Словенија влегоа во финалето на 68. Евросонг, синоќа во Арената во Малме, по првата полуфинална вечер .

Од 15-те земји учеснички, во финалето влегоа десет, а освен Теја Дора од Србија, Бејби Лазања од Хрватска и Вероника од Словенија, в сабота во финалето одат и: Португалија, Украина, Литванија, Финска, Кипар, Ирска и Луксембург.

 

За учесничката од Ирска, Бамби Реј Робинсон имаше најлоши критики на социјалните мрежи поради необичниот сценски настап кој беше наречен „хорор филм“.

 

Луксембург се врати во натпреварувањето за првпат по 1993. Македонија, Босна и Херцеговина и Црна Гора не учествуваат годинава поради финансиски причини.

Во второто полуфинале, кое ќе се одржи в четврток ќе настапат Албанија, Ерменија, Австрија, Чешка, Данска, Грција, Малта, Швајцарија, Белгија, Естонија, Грузија, Израел, Латвија, Холандија, Норвешка и Сан Марино.

Финалето е в сабота, со учество на претставниците од големата петорка кои директно влегуваат во финале: Германија, Италија, Франција, Англија и Шпанија и ланскиот победник, Шведска.

Српската претставничка  Теја Дора , која синоќа беше прочитана како прв финалист, на прес-конференцијата по шоуто, изјави дека е премногу среќна за пласманот.

„Тоа е толку голема можност, има толку многу луѓе кои гледаат… Следниот чекор е да го дадеме најдоброто што можеме да го дадеме и да го добиеме најдобриот пласман што можеме да го имаме. Среќна сум што има толку многу луѓе кои ќе ја слушнат мојата музика“.

(Фото: ЕБУ)