Скопје се подготвува за Карерас – поставена бината за големиот концерт (фото)
Последните подготовки се во тек, а Скопје добива нова музичка сцена под отворено небо на Градскиот плоштад за една од најочекуваните концерни вечери на сезоната.
Бината за настапот на легендарниот шпански тенор Хозе Карерас, македонските ѕвезди и Македонската филхармонија од 20 часот забрзано се поставува, а сите детали се усогласуваат пред големиот спектакл, во рамките на прославата за 35 години на независност на Македонија , во организација на „Авалон“ и на Владата.
Сцената добива форма достојна за еден од најголемите светски оперски гласови, кој се враќа со концерт во Македонија по 21 година од спектаклот на 45. Охридско лето.
Публиката во Скопје ќе има можност да биде дел од вечер во која класичната музика, елеганцијата и врвната уметност ќе бидат во центарот на вниманието.
Возбудата расте, не делат неколку часа кога легендарниот глас на Карерас ќе одекне во Скопје. (Л.С.)