Сиљановска ги посети повредените во Градската болница
Претседателката Гордана Сиљановска-Давкова ги посети повредените од пожарот во Кочани што се згрижени во Градската болница.
„Што да кажам… верувам дека повеќето од нив ќе се спасат, лекарите се тука… Веројатно сте чуле како се случило, веројатно се пиротехнички средства… Тоа е нешто што мора однапред да се предвиди. Бидејќи не е прв пат да сме се соочиле со вакво нешто. Се јавија и од ВМА, и тие се спремни да помогнат со се што треба. Лекарите велат дека треба да се почека денеска, така велат“, вели претседателката.
Новинарка ја запраша дали е свесна дека во земјата повеѐ не постои центар за изгореници.
„Не можам да потврдам дали центарот за изгореници постои. Она што го видов овде изгледа професионално организирано. Ви благодарам што ми укажавте, сега ќе се информирам дополнително“, одговори таа.
Тогаш, таа се обрати на родителите пред болницата.
„Ако ви треба било каква помош, слободно јавете ми“.