Што е амониум нитрат – главниот виновник за катастрофата во Бејрут

Најверојатно, причина за огромната експлозија во Бејрут во вторникот се чини дека е многу реактивниот хемиски амониум нитрат.

Премиерот на Либан, Хасан Диаб, рече дека 2.700 тони амониум нитрат експлодирале откако лежел необезбеден во магацин шест години, што се совпаѓа со извештаи дека брод со слична количина на хемикалија ја истоварил пратката во пристаништето во 2013 година. Останува нејасно што предизвикало да се запалат хемикалиите.

Амониум нитратот е честа индустриска хемикалија која се користи главно за ѓубриво, бидејќи е добар извор на азот за растенијата. Исто така, таа е една од главните компоненти за рударски експлозиви.

Не е експлозивна сама по себе, туку е оксидатор, привлекува кислород на оган – и затоа го прави многу поинтензивен, вели Габриел да Силва, предавач по хемиски инженеринг на Универзитетот во Мелбурн.

Сепак, вели Да Силва, тој може да се запали само под соодветни околности и тоа е тешко да се постигне. „Потребни ви се екстремни околности за да предизвикате експлозија“, рече тој.

Додека амониум нитрат, всушност, може да изгасне пожар, ако самата хемикалија е загадена, на пример со масло, станува многу експлозивна. „Мислам дека тоа е она што се случило во Бејрут“, рече Да Силва.

Ако бројката од 2.700 тони е точна, тоа ќе ја направи експлозијата на амониум нитрат поголема од катастрофата во Тексас Сити во 1947 година, кога експлодирала пратка од 2.300 тони амониум нитрат, при што загинаа речиси 500 луѓе. Експлозијата создаде морски бран од 4,5 метри.

Сликите од Бејрут, исто така, ужасно потсетуваат на уништувањето во кинескиот град Тијанџин од катастрофата во магацин во 2015 година, во која загинаа повеќе од 170 луѓе, а имаше и стотици повредени.

Во ноќта на 12 август серија катаклизмични детонации потресе област на магацини каде се чуваа големи количини на опасни хемикалии, вклучително и натриум цијанид и калиум нитрат, во некои случаи илегално. (Гардијан)