Шпанија има повеќе од 40.000 мртви од коронавирусот

Шпанија – Шпанското Министерството за здравство излезе со податокот дека земјата вчера ја надмина бројката од 40.000 умрени лица како последица на заболување со  Ковид-19.

Со оглед на фактот дека Шпанија вчера имаше 349 нови смртни случаи бројот на умрени до синоќа достигна над 40.000 и сега таа е меѓу земјите со најголем број жртви од Ковид-19.

Во Франција, оваа бројка од 40.000 мртви беше надмината минатата недела, а во Велика Британија вчера беше соопштено дека бројот на жртвите надмина 50. 000.

Шпанија во вторникот го регистрира рекордниот број смртни случаи во еден ден – 400.

И покрај застрашувачките податоци, шпанските власти проценуваат дека епидемијата „во последните две недели полека се стабилизира“ на 525 заразени на 100.000 жители.