Шилегов со запленетите пари од ВМРО-ДПМНЕ ќе ги отстранува галиите од Вардар

Градоначалникот на Скопје, Петре Шилегов кој долго време најавува отстранување на галиите во Вардар, денеска рече дека нашол решение.

Имено, според неговите зборови, ВМРО- ДПМНЕ е најбогата партија во Европа, а со нивните пари, откако ќе им биде запленет имотот, ќе ги обештетат сопствениците на галиите во Вардар, а потоа ќе ги отстранат од речното корито.

Оваа негова изјава е реакција на новинарско прашање, дали Градот добил дозвола за чистење на речното корито на Вардар кај хотел „Русија“, по што одговори дека тоа е редовна активност, и за тоа не треба дозвола.

-Требаше од Министерството за животна средина да спречат градење на галиите во Вардар, а не сега да се занимаваат со редовните активности на Градот, рече Шилегов.