Ружа

ЛЕЈЛА САБИТ

Цвеќето е како жената.

Изгледот може да ве излаже.

Убава на површина, а колку повеќе ја запознавате, и ги откривате боцките.

Кога е млада е како пупка, а кога старее почнува да и паѓаат латиците. 

Едноставна, ама сложена за одгледување.

Ако и посветувате внимание и ѝ се восхитувате, ќе процвета.

Ако ја запоставувате, ќе овене.

Може да биде нежна, деликатна и ретка.

Уникатна, скапоцена и егзотична.

Природна, вештачка или отровна.

Со мирисот може да ве привлече или да ве одбие.

Или е ружа или е фикус во вашиот дом.

Цвеќето како и жената е мит и заблуда.

Опеана, раскажана, насликана, воздигната, проколната, шири завист, љубомора, инает, беше ружа, сега веќе не си. 

Не секој маж што подарува цвеќе е џентлемен.

Ниту пак секоја жена е цвеќе за мирисање.

Тешко е да изберете цвеќе, како и жена.

Битни се потеклото, пригодата и колку е прилагодлива.

Па сепак, бидете и поддршка и грб на жената.

Не само денес, на 8 март, туку секој ден во годината.

Иако, велат, цвеќето нема грб.

Нека ни е честит Меѓународниот ден на жената!