Русија ја стави на потерница премиeрката на Естонија, Каја Калас

Русија ја стави премиерката на Естонија, Каја Калас, на листа на барани лица, покажа официјалниот регистар во вторникот, додека тензиите меѓу Русија и Западот се зголемуваат околу Украина.

Името на Калас се појави во регистарот на лица барани во Министерството за внатрешни работи во врска со кривични пријави. Не прецизираше со какви обвиненија се соочува Калас.

Ова е првпат Министерството да стави странски лидер на листа на барани лица.

Калас е силен поддржувач на Украина, предводејќи ги напорите за зголемување на воената помош за Киев и заострување на санкциите против Русија.

Таа, исто така, ја налути Москва со притисокот за отстранување на спомениците на советските војници од Втората светска војна. Русија има закони што ја криминализираат „рехабилитацијата на нацистите“, кои вклучуваат клаузули за казнување на сквернавењето на воените споменици.

Естонскиот државен секретар Таимар Петеркоп исто така е ставен на бараната листа, според регистарот.

Потезите се чини дека го одразуваат обидот на Москва да го зголеми нивото на одговорот, бидејќи се соочува со притисок од сојузниците во НАТО, додека борбите во Украина се приближуваат до двегодишната граница, но во практична смисла значат малку, бидејќи контактите Русија-Запад се замрзнати за време на конфликтот.