РСБСП: Не управувајте возило под дејство на алкохол за време на новогодишните празници

Републичкиот совет за безбедност на сообраќајот на патиштата (РСБСП) апелира до учесниците во сообраќајот да бидат внимателни за време на новогодишните празници, да ги почитуваат правилата и прописите во сообраќајот и да не управуваат возило под дејство на алкохол.

– Возењето под дејство на алкохол е опасно и може да предизвика материјална штета, но и повреди и загуба на човечки животи. Не дозволувајте непромислена грешка во сообраќајот да го наруши вашето и спокојството на другите. Уживајте во празничното расположение, прославувајте одговорно и возете безбедно, истакнуваат од РСБСП.