РФМ, Пелистер, Вардар со честитки до Алкалоид за европското финале

 Ракометната федерација на Македонија, актуелниот македонски шампион Пелистер, како и двократниот европски шампион Вардар упатија честитки до РК Алкалоид за пласманот во финалето на Европскиот куп.

– Ракометната федерација на Македонија упатува честитки до РК Алкалоид за пласманот во финалето на Европскиот Куп.
РК Алкалоид во финалето на Европскоот Куп ќе игра против АЕК Атина.
На РК Алкалоид му посакуваме успех и среќа во финалето, стои во честитка од РФМ.

Градскиот ривал Вардар на својот фејсбук-профил објави: 
„Се радуваме на секој успех на македонските екипи на европска сцена, и горди сме што РК Алкалоид“ го имаме за градски ривал. Ви посакуваме многу успех во финалето во Европскиот Куп“.

Големиот успех на Алкалоид го честиташе и актуелниот македонски првак Пелистер.

– Честитки до тимот на @rkalkaloid за пласманот во финалето од EHF Cup! – објави битолскиот прволигаш.

Алкалоид во финалето ќе се соочи со АЕК од Атина.