Рекордни 41 смртен случај и 1.925 новозаразени за еден ден во Словенија

Во Словенија во последните 24 часа се потврдени 1.925 нови случаи на корона вирус, а во истиот период умреле дури 41 пациент, што е најголем број на смртни случаи во еден ден од почетокот на епидемијата.

Според словенечката Влада, од последниот пресек се тестирани 6.767 лица, што значи дека 28,45 проценти од испитаниците биле позитивни.

Во болниците има сместено 1.210 пациенти, 18 помалку од претходниот ден, а бројот на лица на одделите за интензивна нега сега е намален на 200.

Во моментов во „дежелата“ има 20.151 активен случај, а стапката на инфекција во последните две недели е 961 на 100.000 жители.

Досега во Словенија им арегистрирано 50.864 инфицирани лица, од кои 676 умреа.