Радишани наскоро добива парк со површина од 10.000 квадрати

Градоначалникот на Општина Бутел, Дарко Костовски ја сподели ситуацијата од терен околу изградбата на паркот во Радишани, односно дека тој се градел со забрзана динамика.

„Населба Радишани добива модерен парк кој ќе се простира на 10 000 м2, од кои околу 6000 м2 ќе биде зеленило и 4000 м2 површина за пешачење, одмор и огромно модерно детско игралиште, истакна Костовски.

Тој додава дека оваа инвестиција изнесува 20 милиони денари, за што воедно му се заблагодари на премиерот Христијан Мицкоски и Владата на Република Македонија.