Путин им нареди на Вагнеровци да му се заколнат на верност

Рускиот претседател Владимир Путин им нареди на борците од групата Вагнер да потпишат заклетва за верност на руската држава по смртоносната авионска несреќа за која се верува дека загина Евгениј Пригожин, водачот и финансиер на платеничката група.

Путин го потпиша указот за воведување на промената со непосреден ефект доцна во петокот, откако Кремљ рече дека сугестиите на Западот дека Пригожин бил убиен по негова наредба се „апсолутна лага“.

Кремљ одби дефинитивно да ја потврди неговата смрт, наведувајќи ја потребата да се чекаат резултатите од тестовите на посмртните останки. Но, Путин веќе им изрази сочувство на семејствата на загинатите во несреќата во четвртокот и зборуваше за Пригожин во минато време.

Наметнувањето на  задолжителна заклетва за вработените во Вагнер и другите приватни воени платеници е јасен потег да ги стави таквите групи под построга државна контрола.