Путин го остави пакистанскиот премиер да го чека 40 минути, тој гневен му упадна на состанок

Премиерот на Пакистан, Шехбаз Шариф, денес чекаше 40 минути за средба со рускиот претседател Владимир Путин.На крајот, премиерот се замори од чекање и неочекувано упадна во просторијата каде што, како што се испостави, Путин веќе разговараше со претседателот на Т урција, Таип Реџеп Ердоган.Пет минути подоцна, Шариф ја напушти просторијата, според извештаите на медиумите.

Шариф беше силно коментиран за настанот на социјалните мрежи откако се појасви видеото на кое тој „упаѓа“ на состанокот меѓу рускиот и турскиот претседател Владимир Путин и Реџеп Таип Ердоган во Ашхабат, главниот град на Туркменистан.Според руската државна новинска агенција РИА Новости, Путин и Ердоган продолжиле да разговараат во приватна атмосфера откако членовите на делегациите на двете земји си заминале.

„Малку подоцна, пакистанскиот премиер се придружил на состанокот, очекувајќи да преговара со Путин во друга просторија“, се наведува во извештајот.

Во извештаите се наведува дека пакистанскиот премиер го чекал Путин повеќе од 40 минути заедно со неговата делегација, во која бил и министерот за надворешни работи Ишак Дар, пред да одлучи да ја прекине средбата на рускиот претседател со неговиот турски колега, што се одвивала во друга просторија од Конгресниот центар во главниот град на Туркменистан.

Минатата недела, рускиот претседател ја заврши многу успешната државна посета на Индија, за време на која двете земји дополнително го зајакнаа специјалното и привилегирано стратешко партнерство.

Pakistan’s PM Shehbaz Sharif waited 40 minutes today for a meeting with Putin.

In the end, the prime minister got tired of waiting and unexpectedly walked into the room where, as it turned out, Putin was already holding talks with President Erdoğan.

Five minutes later, Sharif… pic.twitter.com/9ykdE3YW3R

— Anton Gerashchenko (@Gerashchenko_en) December 12, 2025