Прво полуфинале на Евросонг во Малме, еве како да го следите

Вечерва, од 21 часот, е првото полуфинале на 67. Евросонг во Малме, организиран од Европската радиодифузна унија (ЕБУ) и шведскиот SVT.

СВТ ги покани заедно Елени Фуреира, Ерик Сааде и Шанел да го изведат отворањето на првото полуфинале. Насловен како United By Music, бројот не само што го прикажува официјалниот слоган на Изборот за песна на Евровизија, туку и пораката дека всушност не мора да победиш на натпреварот за да бидеш победник на Евровизија. Овие тројца уметници заработија куп нови фанови со нивните настапи на Евровизија и оттогаш објавија многу огромни хитови меѓу нив.

Подоцна во шоуто,  во двете паузи за гласање, ќе настапат Швеѓанецот Бенџамин Ингросо и Џони Логан од Ирска, кој два пати победи на Евросонг како пејач , 1980, 1987 и во 1992 година, како текстописец.

Нашите домаќини Петра Меде и Малин Акерман ќе не водат низ Првото полуфинале во живо од Малме Арена, за време на кое 15 песни ќе се натпреваруваат за 10 места во големото финале во сабота навечер.

На вечерта ќе настапат и 2 од 5-те големи земји, Обединетото Кралство и Германија, како и земјата домаќин Шведска. Овие земји ќе гласаат и во првото полуфинале.

Ева ја табелата со земји-учесници во првото полуфинале? 

1 🇨🇾 Cyprus / Silia Kapsis – Liar

2 🇷🇸 Serbia / TEYA DORA – RAMONDA

3 🇱🇹 Lithuania / Silvester Belt – Luktelk

4 🇮🇪 Ireland / Bambie Thug – Doomsday Blue

🇬🇧 United Kingdom / Olly Alexander – Dizzy

5 🇺🇦 Ukraine / alyona alyona & Jerry Heil – Teresa & Maria

6 🇵🇱 Poland / LUNA – The Tower

7 🇭🇷 Croatia / Baby Lasagna – Rim Tim Tagi Dim

8 🇮🇸 Iceland / Hera Björk – Scared of Heights

🇩🇪 Germany / ISAAK – Always On The Run

9 🇸🇮 Slovenia / Raiven – Veronika

10 🇫🇮 Finland / Windows95man – No Rules!

11 🇲🇩 Moldova / Natalia Barbu – In The Middle

🇸🇪 Sweden / Marcus & Martinus – Unforgettable

12 🇦🇿 Azerbaijan / FAHREE feat. Ilkin Dovlatov – Özünlə Apar

13 🇦🇺 Australia / Electric Fields – One Milkali (One Blood)

14 🇵🇹 Portugal / iolanda – Grito

15 🇱🇺 Luxembourg / TALI – Fighter

Македонија годинава не учествува, што е втора година без наш претставник на ова музичко натпреварување. МРТ на своите сервиси ќе ја пренесува манифестацијата, двете полуфинални вечери и големото финале.

Малме во Шведска е домаќинот на 68. Евросонг, по победата на Лорин со „Тетоважа“, годинава, на фестивалот во Ливерпул, Англија. Ова е втора победа на Лорин, по онаа во 2012 година во Баку со хитот „Еуфорија“, кога за триумфот и беа доволни 372 поени. Лорин покрај Џони Логан е единствениот учесник на Евровизија со две победи на ова натпреварување.

Ова ќе биде трет пат Малме да биде домаќин на Евровизија, по 1992 и 2013 година, а вкупно 7-ми пат големото музичко натпреварување да се одржува во Шведска.

Првиот поглед на импресивната сцена, која се состои од фотографии и видео снимки, беше објавена на официјалната веб-страница на EBU, а првите проби на делегациите  започнаа веќе во сабота, 27 април. 

Комбинацијата на LED подови, подвижни LED коцки, светла, видео и сценска технологија ќе се комбинираат за да создадат спектакуларни визуелни искуства. Самата сцена е во форма на крст, а поставена е точно во средината на салата и на тој начин создава уникатно искуство преку кое публиката ќе може да ги доживее претставите од секој агол. Во внатрешноста на арената Малме, сцената се наоѓа меѓу 2.168 уреди за осветлување. Беа потребни четири недели претходно програмирање за да се доведат светилките во нивната конечна состојба денес.