Прво полуфинале на Евросонг 2025 во Базел, еве како да го следите

Вечерва, од 21 часот, (МТВ и Македонското радио ќе вршат директен пренос) е првото полуфинале на 69. Евросонг во Базел, организиран од Европската радиодифузна унија (ЕБУ) и Швajцарската радиодифузна корпорација (SRG SSR).

Првото полуфинале на Евровизија 2025 ќе биде во сигурни раце со водителките, Хејзел Бругер и Сандра Студер. Хејзел е швајцарско-американска поетеса, комичарка и водителка, која несомнено ќе ни го донесе тој непобедлив евровизиски хумор. Сандра е швајцарска ТВ водителка и пејачка, која ја претставуваше Швајцарија на натпреварот во 1991 година и заврши на 5-то место со песната „Canzone Per Te“.

Првото од настапите во живо ќе ја има темата „Каде што започна сè“, почит кон родното место на Евровизискиот натпревар, Швајцарија.

Петнаесет земји ќе се натпреваруваат во првото полуфинале. Овие земји плус Италија, Шпанија и Швајцарија, како и земјите кои не учествуваат според агрегирано гласање „Остатокот од светот“, ќе гласаат во ова полуфинале. Покрај учесниците во натпреварот, Шпанија, Италија и Швајцарија ќе настапат за време на шоуто, појавувајќи се на сцената по учесниците од Естонија, Белгија и Хрватска, соодветно.

Во неделата, на 11 мај, претставниците од 37-те земји учеснички на „Евросонг 2025“ го изодеа познатиот тиркизен тепих – којшто оваа година е најдол досега – 1,3 километри.

Пред почетокот на годинашниот музички натпревар, повеќе од 70 поранешни евровизиски натпреварувачи, вклучувајќи ги и победниците, потпишаа отворено писмо до Европската радиодифузна унија (ЕБУ) во кое побараа Израел да биде исфрлен од натпреварот.

– Ја разбираме загриженоста и длабоко вкоренетите мислења околу актуелниот судир на Блискиот Исток. ЕБУ не е имуна на глобалните случувања, но заедно со нашите членови, нашата улога е да обезбедиме натпреварот да остане универзален настан којшто промовира врски, различност и вклученост преку музиката. Сите ние се стремиме да ја одржиме „Евровизија“ позитивна и инклузивна и да му покажеме на светот што би можело да биде, а не нужно она што е, соопшти ЕБУ во одговорот.

Израелската претставничка на „Евровизија“, Јувал Рафаел викендов беше пречекана со демонстрации во Базел поради што израелската телевизија „Кан“ поднесе пријава до тамошната полиција. Рафаел треба да настапи во втората полуфинална вечер в четврток. 

Јувал Рафаел, која го преживеала нападот на Хамас врз Израел, победи на израелскиот фестивал „Нова“ за учество на годинашниот „Евросонг“.

Ева ја табелата со земји-учесници во првото полуфинале: 

1 🇮🇸 Iceland | VÆB – RÓA

2 🇵🇱 Poland | Justyna Steczkowska – GAJA

3 🇸🇮 Slovenia | Klemen – How Much Time Do We Have Left

4 🇪🇪 Estonia | Tommy Cash – Espresso Macchiato

🇪🇸 Spain | Melody – ESA DIVA

5 🇺🇦 Ukraine | Ziferblat – Bird of Pray

6 🇸🇪 Sweden | KAJ – Bara Bada Bastu 

7 🇵🇹 Portugal | NAPA – Deslocado

8 🇳🇴 Norway | Kyle Alessandro – Lighter 

9 🇧🇪 Belgium | Red Sebastian – Strobe Lights

Italy 🇮🇹 Lucio Corsi | Volevo Essere Un Duro

10 🇦🇿 Azerbaijan | Mamagama – Run With U

11 🇸🇲 San Marino | Gabry Ponte – Tutta L’Italia 

12 🇦🇱 Albania | Shkodra Elektronike – Zjerm

13 🇳🇱 Netherlands | Claude – C’est La Vie

14 🇭🇷 Croatia | Marko Bošnjak – Poison Cake

🇨🇭 Switzerland | Zoë Më – Voyage

15 🇨🇾 Cyprus | Theo Evan – Shh