Протест на Кванташки пазар во Скопје
За утре е закажан протест од 9.30 до 11.30 часот на ул. 1632 – Кванташки пазар – Капија и на истиот ќе учествуваат физички лица и претставници-управители на правни лица-закупци на Кванташки Пазар.
– Целта на јавниот собир е да се изрази јавното незадоволство на лицата-закупци на Кванташки Пазар од незаконското и своеволно однесување и постапување на раководните лица на Кванташки пазар, информираат организаторите на протестот.
Организаторот соопшти дека се преземени сите мерки за непречено организирање и одвивање на јавниот собир.
И пред неколку дена се одржа протест на Кванташки пазар поради тоа што закупците се пожалија дека немаат основни услови за работа.