Промоции на нови преводи „Даблинци“ од Џејмс Џојс  и„Среќа и други раскази“ од Кетрин Менсфилд на Филолошки факултет

Филолошкиот факултет „Блаже Конески“ при УКИМ во Скопје и Издавачката
куќа „Макавеј“ на 6 октомври 2023 г. (петок), во 12 часот, во Салата за седници на филолошкиот факултет организираат двепромоции на две збирки раскази во превод на македонски, реализирани во 2023 година од издавачот Макавеј.

Се работи за познатата збирка раскази „Даблинци“ од Џејмс Џојс, чијшто
превод од англиски го направи професорката д-р Катарина Ѓурчевска
Атанасовска и антологиската збирка раскази со наслов „Среќа и други
раскази“ од англиската модернистка со новозеландско потекло Кетрин
Менсфилд.

Промотори на расказите од Џејмс Џојс ќе бидат авторите и преведувачи
проф. д-р Марија Гиревска и проф. д-р Владимир Цветкоски. Извадоци од
„Даблинци“ ќе чита Мила Димишковска. Преводот на Џојсовите „Даблинци“
беше помогнат од ирскиот книжевен фонд Literature Ireland.

Преведувачи на збирката раскази „Среќа и други раскази“ од Кетрин
Менсфилд се Мила Димишковска и Рената Јовановска, студентки на
катедрата по преведување и толкување при Филолошкиот факултет. За
збирката раскази од Кетрин Менсфилд, за нејзините книжевни одлики и за
преводот ќе се обрати проф. д-р Владимир Цветкоски, а извадоци ќе чита
Рената Јовановска.