Продолжува втората фаза од проектот за целосна реконструкција на зелениот појас на десната страна на кејот на Вардар во Скопје

 Град Скопје продолжува со втората фаза од проектот за целосна реконструкција на зелениот појас на десната страна на кејот на реката Вардар, која се одвива во повеќе фази со цел воспоставување на мултифункционален модерен јавен простор со ново зеленило, информираат од Градот.

-Во втората фаза се започнува со обнова на зелениот појас на кејот на реката Вардар на потегот од мостот Беласица до мост Генерал Михајло Апостолски, при што со овој проект се формира нов зелен појас со нова хидрантска мрежа на површина од 12.000 квадратни метри и должина од над 1.500 метри, велат од Градот.вј/ 

Проектот во сите фази го изведува јавното претпријатие Паркови и зеленило Скопје.