Претседателските портрети во Белата куќа осамнаа со исмејувачки коментари на Трамп

Персоналот на Белата куќа го ажурираше таканаречениот „Претседателски пат на славните“ со додавање долги описи за секој поранешен претседател, во реторика што се совпаѓа со онаа на претседателот Доналд Трамп – како што е нарекувањето на поранешниот претседател Џо Бајден „најлошиот претседател во американската историја“.

Како дел од континуираните напори на претседателот да ја прилагоди Белата куќа по свој вкус, Трамп ги зацврсти своите добро познати мислења за секој поранешен претседател со додавање плочи под портретите што сега висат по колонадата.

Но, наместо неутрално да го опишува секој претседател, Трамп одлучи да внесе повеќе боја – тврдејќи дека поранешниот претседател Барак Обама е „една од најконтроверзните политички фигури“ и тврдејќи дека поранешниот претседател Роналд Реган „бил негов обожавател“.

Секретарката за печат на Белата куќа, Каролин Ливит, рече: „Плочите се елоквентно напишани описи на секој претседател и наследството што го оставил зад себе. Како студент по историја, многу од нив биле напишани директно од самиот претседател“.

„Поспаниот Џо беше, убедливо, најлошиот претседател во американската историја“, пишува на плочата под портретот на Бајден,  за разлика од неговиот официјален портрет. „ Ја презеде  функцијата како резултат на најкорумпираните избори што некогаш биле видени во Соединетите Американски Држави.“