Претседателскиот кандидат Кенеди: Оставив мртва мечка во парк во Њујорк
Независниот оретседателски кандидат Роберт Кенеди Џуниор објави видео на социјалните мрежи во кое признава дека оставил мртва мечка во њујоршкиот Централ парк во 2014 година.
Видеото, објавено на неговиот X профил (поранешен Твитер), го прикажува заедно со контроверзната американска комичарка Розеан Бар како ги опишува бизарните околности што довеле до инцидентот пред 10 години.
Ја оставил мечката во Централ парк
Кенеди рече дека една жена удрила и убила мечка со својот автомобил додека тој возел зад неа надвор од градот, а тој ја ставил во своето комбе со намера да го одере животното и да земе месото.
Би-би-си пишува дека ја објавил приказната за да го спречи магазинот „Њу Јоркер“, кој имал намера наскоро да ја објави.
„Ќе ја одерам мечката, која беше во многу добра состојба, и ќе го ставам месото во мојот фрижидер“, вели тој.
Looking forward to seeing how you spin this one, @NewYorker… pic.twitter.com/G13taEGzba
— Robert F. Kennedy Jr (@RobertKennedyJr) August 4, 2024
Но, наместо да пријави во полиција, што морал да го стори со закон, а со оглед на тоа дека морал да оди на аеродром, тој не сакал да ја остави мечката во автомобилот.
Тогаш, како што вели, му се видело дека во Њујорк имало серија несреќи со велосипед и дека во автомобилот тој имал стар велосипед. Затоа добил идеја да исценира велосипедска несреќа со трупот на мечката во Централ парк, а идејата ја поддржале неколку пијани луѓе со кои се дружел. Потоа, ја оставил мечката во паркот.
Антиваксер и кандидат на претседателските избори
„Значи, го направивме тоа и мислевме дека ќе биде забавно за секој што ќе ја најде или нешто слично“, вели тој. „Следниот ден… беше на секоја телевизија. Беше на сите насловни страници, не можев да верувам“, додаде тој.
Кенеди сега конечно ги призна шпекулациите кои први ги поттикна Њујорк Тајмс.
Роберт Кенеди Џуниор е син на Боби Кенеди и внук на поранешниот американски претседател Џон Кенеди. Кенеди е прилично контроверзна личност во американската јавност поради неговите истакнати анти-ваксерски позиции и промовирањето на бројни теории на заговор, по што некои членови на семејството Кенеди се оградија од неговите ставови.
Кенеди се кандидираше како независен кандидат на овогодинешните претседателски избори во САД.