Правнукот на Мусолини дебитираше во Серија А

Правнукот на италијанскиот диктатор Бенито Мусолини, Романо Флоријани Мусолини, дебитираше во петокот вечер во Серија А во натпреварот меѓу Кремонезе и Сасуоло.

Мусолини влезе од клупата за резерви во 82. минута на местото на Алесио Зербино и изнуди пенал со кој Кременозе на крајот ја обезбеди победата.

„Премногу работи се случија за прекратко време. Не мислам дека некогаш ќе заборавам што се случи вечерва. Дебито во Серија А отсекогаш ми беше сон“, рече 22-годишникот Мусолини.

Романо Мусолини е син на долгогодишната европратеничка Алесандра Мусолини, внука на фашистичкиот диктатор кој владееше со Италија од 1922 до 1943 година.

Оваа сезона Романо Мусолини настапува за Кремонезе како позајмен фудбалер од Лацио, а на неговиот дрес пишува Романо.