Повластени билети за ЈСП за лица со попреченост изгласано – нови автобуси и БРТ систем, не

По 24 пат, советниците на Град Скопје не ја изгласаа потребата од набавка на нови автобуси за главниот град, како и воведување на Брзиот автобуски превоз. Единствени пак, беа во гласањето на повластено користење на градскиот превоз од страна на лицата со попреченост, за 2025 година. 

Тоа значи дека овие лица и понатаму ќе можат да имаат бесплатен билет за градските автобуси во Скопје, секако, ако ги има. 

Но, за набавка на нови еколошки автобси, советниците од ВМРО-ДПМНЕ повторно немаа слух. 

На дискусијата која претходеше на неуспешното гласање, советниците од СДСМ истакнаа дека автобусите кои премиерот најави дека ќе се набавуваат за Скопје, но и за другите градови низ Македонија, нема брзо да го реши проблемот со превозот во градто, затоа што прво, ќе бидат електрични, па нема детали за тоа дали колку нови вработувања ќе бидат потребни за да функционираат. Беше нагласдено и дека тие автобуси, ако се набават нема да пристигнат во Скопје пред локалните избори догодина, а ќе пристигнуваат во следните четири години. 

За БРТ системот, дискусијата беше уште покуса, се повтори дека за тој проект има пари кои чекаат да бидат потрошени, а затоа што не се користат плаќаме камата, но тоа не беше доволно да ги убеди советниците од ВМРО-ДПМНЕ да го сменат своето мислење и да ја изгласаат точката.

Градскиот превоз во Скопје подолго време се соочува со проблеми, автобуси нема, а последниот куршлус беше со ненавремена набавка на гориво, па Владата интервенираше со нафта од државните резерви, со што по два дена сообраќање само на автобусите на гас, едвај 25 на број, скопјани повторно имаат некаков превоз.