Повеќе од третина најбрзорастечки технолошки фирми во Европа се од Британија

По бројот на технолошки гиганти во светот пред Велика Британија се САД и Кина.

Истражувањето покажа дека претприемачите од Велика Британија во изминатите 20 години имаат воспоставено 72 такви бизниси, вклучувајќи 13 минатата година, со тоа што само САД и Кина ги надминуваат тие бројки, Германија има 29 и Индија 26. Исто така, се вели дека САД и Кина во истиот период создале околу 703 и 206 технолошки фирми.

Повеќе од една третина од компаниите што брзо се развиваат вклучувајќи ги и TechUK, Google, Facebook, BT и Apple, имаат седишта во Велика Британија, покажува студија на владиниот Совет за дигитална економија.

Лондон предводи во дигитален развој низ Стариот континент, со 45 нови компании базирани во градот, вклучувајќи ги и 18 финтек фирми како Monzo,Revolut и OakNorth.

Студијата e објавена кога глобалните технолошки компании ветија дека ќе инвестираат повеќе од 1,2 милијарди фунти во Велика Британија.
Лондонската недела на техниката се одржува оваа година по шести пат, а за пет дена колку што трае, ќе биде организиран голем број настани со цел да се промовира технолошкиот сектор.