Поставен камен темелник на мега шопинг парк во Кавадарци
Денеска во Кавадарци беше поставен камен-темелникот на мега шопинг парк. Тој ќе се протега на 5 хектари земјиште, со преку 20.000 квадратни метри објекти под кров и се очекува да даде силен поттик на локалната економија.
Планирани се преку 50 единици со различни содржини. Ќе има голем супермаркет, забавна зона за сите возрасти, 24-часовна зона, модни интернационални брендови …
– Ова е многу амбициозен план на инвеститорот, но не и неостварлив бидејќи до сега како што и самиот инвеститор кажа, во рекордно време, благодарение на амбициозниот тим и амбициозната работа на градоначалникот на Општина Гевгелија проектот стигна до фаза во којашто е денес – рече премиерот Христијан Мицкоски.
Проектот се проценува на 20 милиони евра.