Последен ден од акцијата за отплата на долгови на рати без пресметка на камата на ЈП „Водовод и канализација“ – Скопје
ЈП „Водовод и канализација“ – Скопје информира дека денеска завршува акцијата за отплата на долговите на рати без пресметка на камата за задоцнето плаќање.
Оваа акција почна на 17 февруари 2025 година.
– Ги повикуваме сите корисници кои имаат заостанат долг за потрошена вода (тужен и редовен), да ја искористат можноста за плаќање на рати без пресметана камата. Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес утврден со закон, а организирани како агенции, фондови, јавни установи и јавни претпријатија основани од Република Македонија или од општините, од градот Скопје, како и од општините во Град Скопје. По истекот на овој период одлуката престанува да важи, се наведува во соопштението.
За повеќе информации граѓаните можат да се јават на 02 3073 010, 02 3240 300 или да пишат на [email protected], www.vodovod-skopje.com.mk, www.facebook.com/jpvodovod.skopje